ஏக்கம்...

ஏக்கம் என்ற வார்த்தை.. உபயோகிக்கும் இடத்தைப் பொறுத்து மாறுபடுகிறது.

அம்மா தன் குழந்தைக்கு ஒரு விலை உயர்ந்த பொம்மையை வாங்கிக் கொடுக்க முடியாது என்று சொன்னபின் அந்தக் குழந்தை, அந்தக் கடையில் இருக்கும் பொம்மையைப் பரிதாபத்துடன் பார்க்கும், தனக்கு அது கிடைக்கவில்லையே என்ற ஏக்கத்தில்.....இது ஒரு வகையான ஏக்கம்.

சிலருக்கு மற்றவரைப் போல் ஆக முடியவில்லையே என்ற ஏக்கம். சமீபத்தில் பெண்களுக்காக நடத்தப்பட்ட அந்தக் கூட்டத்தில் கலந்து கொள்ள வாய்ப்புக் கிடைத்தது. அங்கு சிறப்பு விருந்தினராக அழைக்கப்பட்டிருந்தவர் ஒருபெண். அந்தக் கூட்டத்தில் இருந்த என்னுடைய தோழி, இருந்தால் இவங்கள மாதிரி இருக்கனும். ஏப்படிபேசுறாங்க பாரு, எப்படி இருக்காங்க பாரு, எப்படி இவங்களால மட்டும் இப்படி இருக்க முடிகிறது? என்று அவர்கள் புராணமே பாடிக் கொண்டிருந்தாள். எனக்கு கோபம் வரவில்லை. உடனே சிந்திக்கத் தொடங்கி விட்டேன். ஏன் நமக்கு மற்றவரைப் பார்க்கும் போது இவரைப் போல் இருந்தால் நன்றாய் இருக்கும் என்றோ, இவரைப் போல் நாம் இல்லையே என்றோ எண்ணத் தோன்றுகிறது? இதுவும் ஒரு வகையான ஏக்கம் தானே?

என்னைப் பொறுத்தவரை ஏக்கம் என்பது.. இருப்பதை விட்டுவிட்டு பறப்பதற்குஆசைப்படுவது. ஏன்? நாம் நாமாக இருந்தால் நன்றாய் இருக்கமாட்டோமா? ஏன் மற்றவரின் பிம்பமாக இருக்கஆசைப்படுகிறோம். மற்றவரைவிடநான் எல்லாவற்றிலும் சிறந்தவள் என்ற எண்ணம் நமக்குள் வரும்போது, கண்டிப்பாக என்னால் எனக்குள் இருக்கும் சிறந்தவற்றை வெளிக்கொணரமுடியும். 

ஏக்கம் இருக்கலாம். உன்னால் சாதிக்கப்பட வேண்டிய விசயங்கள் நிறையவே இருக்கின்றன. அதைப்பற்றி ஏக்கம் கொள். வீணாக அடுத்தவரைப் பார்த்து ஏக்கம் கொள்ளாதே!

ஏக்கம் கொள்!!!