பிடிக்கவில்லை...

பேசிக் கொண்டிருக்கப் பிடிக்கிறது...
எழுதப் பிடிக்கவில்லை...

பகிர்ந்து கொள்ளப் பிடிக்கிறது...
பகிரப்படுவது பிடிக்கவில்லை...

அழப் பிடிக்கிறது...
அழ வைக்கப் பிடிக்கவில்லை...

நேசிக்கப் பிடிக்கிறது...
நேசிக்கப்படுவது பிடிக்கவில்லை...

மழையில் நனைவது பிடிக்கிறது...
மழையில் அழுவது பிடிக்கவில்லை...

பாடல் கேட்கப் பிடிக்கிறது...
அதன் வரிகள் பிடிக்கவில்லை...

இயற்கை இரசிக்கப் பிடிக்கிறது...
அதன் ஆணவம் பிடிக்கவில்லை...

அறிவுரை கூறப் பிடிக்கிறது...
அறிவுரை கூறப்படுவது பிடிக்கவில்லை...

காதல் பிடிக்கிறது...
காதலியாவது பிடிக்கவில்லை...

நட்பு பிடிக்கிறது...
போலி நண்பர்கள் பிடிக்கவில்லை...

காயங்கள் பிடிக்கிறது...
காயப்படுத்துவது பிடிக்கவில்லை...

முத்தம் பிடிக்கிறது...
அதன் ஈரம் பிடிக்கவில்லை...

அழகு பிடிக்கிறது...
அதன் கர்வம் பிடிக்கவில்லை...

குரல் பிடிக்கிறது...
அதன் குற்றப்பழி பிடிக்கவில்லை...

ஏக்கம் பிடிக்கிறது...
ஏங்கவைக்கும் தருணங்கள் பிடிக்கவில்லை...

மௌனம் பிடிக்கிறது...
உறைய வைக்குமளவிற்குப் பிடிக்கவில்லை...

சண்டை பிடிக்கிறது...
அது தொடர்ந்துகொண்டிருப்பது பிடிக்கவில்லை...

ஆக...
பிடிக்கும் ஒவ்வொன்றிற்குப் பின்னும்
பிடிக்காத ஒன்று இருக்கிறது...
இது
என் தவறு  அல்ல...