அன்றாடம் பார்க்கும் முகம் என்றாலும்
அலுத்துப்போகாத ஒரு முகம் உன்னுடையது!
அதற்குக் காரணம் காண இயலவில்லையெனினும்
முயன்று கொண்டேயிருக்கிறேன்!
என் அன்பனின் முகம் என்று உன் முகத்தைத் தவிர
வேறு யாரைப் பற்றிக் கூறுவது?
உலகில் யாரைப் பார்க்கவும் நமக்கு உரிமை
இருக்கிறதென்றாலும்
காணக்கூடாதென்று என்னைக் கடிவாளத்திற்குள்
அடைத்து வைக்கும் சக்தி
உன் முகத்திற்கு மட்டுமே என்று தான் நினைக்கிறேன்!
நிலவிற்கு ஒப்பிட்டுப் பெண் முகத்தைக் கூறினாலும்
உன் முகத்தையும் நான் நிலவுடனே ஒப்பிடுவேன்!
ஏனெனில் உன்னில் என் தாயைப் பார்க்கிறேன்!
இனியபாரதி.
கருத்துகள் இல்லை:
கருத்துரையிடுக