கொஞ்சம் கிறக்கம்....

அவன் அழகு தான்!!!

அந்த அழகிலும் ஒளிந்திருக்கும்

அவன் சிரிப்பழகு தான்

மேலும் என்னை கிறங்கச் செய்கிறது...

இனியபாரதி. 

தேடி...

ஆசை இருந்தாலும்

அடக்கிக் கொண்டு,

எந்தவொரு வெறுப்பும் இல்லாமல்

எப்போதும் போல் 

பேசும் அன்பைத் தேடி...

இனியபாரதி. 

அவள் அன்பு மட்டுமே...

தேடாமல் கிடைத்த

அவள் அன்பு மட்டுமே

அவன் தேடிப் பெற்ற

எல்லா செல்வங்களையும் விட மேலானது...

இனியபாரதி. 

நானும் அறிவேன்...

நீ என்னை எவ்வளவு அன்பு செய்கிறாய் என்று

நானும் அறிவேன்...

இருந்தும்

உன் மீது உள்ள அதீத அன்பால்

அதை தினமும் சோதிக்கிறேன்...

இனியபாரதி. 

கனவு மட்டுமே...

உன் கனவை மட்டுமே நோக்கிய உன் பயணம்

இறுதியில் வெற்றி பெறும் என்பதில்

ஐயம் மட்டும் கொள்ளாதே....

உன் நம்பிக்கை உன்னைக் கைவிடாது...

இனியபாரதி.

யாரோடு என்று...

மோதுவது என்று முடிவெடுத்து விட்டால்

உனக்கு இணையானவர்களுடன் மோது...

தகுதி இல்லாதவர்களிடம்

பேசுவது கூட

உன் தகுதிக்கு இழுக்கு தான்...

இனியபாரதி. 

எப்படியோ...

எப்படியோ 

காத்திருந்த அவளுக்கும்

காக்க வைத்த அவனுக்கும்

ஒரு நல்ல செய்தி!!!

மறு சந்திப்பில் காத்திருக்கத் தேவை இல்லை என்பது தான்...

இனியபாரதி. 

பாதி வழியில்...

பாதி வழியில்

நீ என்னைச் சந்தித்தாலும்

மீதி வழி முழுவதும்

உன்னுடன் வருவது மட்டுமே

என் இன்பம்...

இனியபாரதி. 

காதலும் மோதலும்...

காதலும்

மோதலும்

பல நேரங்களில் நம்மை ஏமாற்றி விடும் இயல்பு உடையவை...

இரண்டிற்கும்

நேரம் காலமே கிடையாது...

இனியபாரதி. 

அழியாப்புகழ்...

அவன் அன்பு மட்டுமே

என்னிடம் என்றும் நிலைக்கும்

அழியாப்புகழ்...

இனியபாரதி.

நீயே அவள்....

அவள் போகும் பாதை நீளம்!!!

ஆனால் அழகு...

அவள் காணும் கனவுகள் ஆழமானவை!!!

ஆனால் அடையக் கூடியவை...

அவள் பேசும் பேச்சு மழலை!!!

ஆனால் மகிழ்ச்சி தருபவை...

அவள் கொள்ளும் வெட்கம் அபூர்வம்!!!

ஆனால் அதிசயம்...

அவளாக அவள் மட்டுமே!!!

"நீயே அவள்...."

இனியபாரதி. 

பாடலும்....

நாம் இருவரும்

சேர்ந்து இரசித்த

ஏதோ ஒரு பாடல்

அடிக்கடி உன் ஞாபகத்தைத் தூண்டுகிறது...

இனியபாரதி. 

காற்றும் தூதா?

தூது செல்ல நான் தயார்

என்று என் அருகிலே

எப்போதும் நின்று கொண்டு

அறைகூவல் விடும் உன்னிடம்

எப்படிச் சொல்வேன்

அவன் என்னை விட்டுச் சென்று விட்டானென்று!!!

இனியபாரதி.

கொஞ்சம் சிரமம் தான்...

சீக்கிரம் நகர்ந்து விடாதோ இந்த நாள்

என்று எண்ணும் ஒவ்வொரு நாளும்

மிகவும் மெதுவாக நகர்வது தான் அதிசயம்...

அங்கும் "உன் நினைவலைகள் மட்டுமே..."

இனியபாரதி. 

நான் நானாகவே...

நான் நானாகவே இருக்க நினைக்கும்

ஒவ்வொரு நொடியும்

என்னுள் வந்து செல்லும் உருவம் 'நீ...'

இனியபாரதி. 

முல்லை...

கருமேகம்...

பச்சை இலைகளைத் தாங்கிய

செம்பழுப்பு நிற மரங்கள்...

சாலையின் பக்கங்களில்

ஆங்காங்கே தேநீர் கடைகள்...

சப்தமில்லா சாலையில்

அவ்வப்போது வாகனங்கள் நகர்ந்தவண்ணம்...

இறுகப் பற்றிக் கொண்டு

ஒரு காதல் ஜோடி

விரைகிறது இரு சக்கர வாகனத்தில்...

கேட்பாரின்றிக் கிடக்கிறது

அந்த "முல்லை மலர்"...

இனியபாரதி. 

இது மட்டும் போதும்...

கவலைகள் மறந்து

கனவுகள் பிறக்கும்...

கனவின் நடுவில்

தூக்கம் கலையும்...

இரவின் மடியில்

இனிய விருந்தாய்

அவன் அழைப்பு இருக்கும்!!!

இனியபாரதி. 

மணம்...

காற்றில் மிதந்து வரும்

அவன் மூச்சுக் காற்று கூட

மணம் பரப்பும்!!!

இனியபாரதி. 

சுகமே...

தலையணை என்று எண்ணி

முள்ளின் மீதும் படுப்பது சுகமே...

நீ என் அருகில் இருந்தால்!!!

இனியபாரதி. 

விரும்பாமல்....

அவன் விருப்பம் இல்லாமல்

காதலும்

கனிந்த பழம் தான்!!!

இனியபாரதி. 

அவன் அழகு...

அவன் அழகு

பார்த்தவுடன் தெரிந்து கொள்வதோ

பார்க்காமல் தெரிந்து கொள்வதோ அல்ல...

அனுபவித்துப் புரிந்து கொள்வது...

அந்த அனுபவம் கூட

எல்லோருக்கும் கிடைப்பதில்லை...

அதிர்ஷ்டம் கொண்ட என்னைப் போன்ற சிலருக்குத் தான் கிடைக்கும்... 

இனியபாரதி. 

காதல் மழை...

மழை பிடிக்கும்...

காதல் மழை ரொம்ப பிடிக்கும்...

காரணம்...

மழையில் நனைவது நான் மட்டுமே...

காதல் மழையில் நனைய

என்னுடன் நீ இருப்பதால் 

அது மிகவும் பிடிக்கும்...

இனியபாரதி. 

தெவிட்டி விடலாம்...

தித்தித்த நேரம் கூட தெவிட்டி விடலாம்

சூழ்நிலை மாற்றங்களுக்கு ஏற்ப...

அனைத்தையும் சகித்துக் கொள்ளும்

பக்குவம் மட்டும் வேண்டும்...

இனியபாரதி. 

நொடி கூட....

கடக்க நினைக்கும் சாலையில்

சிக்னல் போட்டு

90 நொடிகள் நிற்கும் போது தான்

ஒவ்வொரு நொடியும்

எவ்வளவு முக்கியம் என்பது தெரிகிறது!!!

விபத்து நடக்காமல் தப்பித்த

ஒரு சில நிமிடம் கழித்து தான்

ஒரு நொடி தாமதித்திருந்தால்

என்ன நடந்திருக்கும் என்று யோசிக்கத் தோன்றுகிறது!!!

பாதி வாழ்க்கை வாழ்ந்த பின்

திரும்பிப் பார்த்து

நான் எதுவுமே சாதிக்கவில்லை என்று எண்ணும்போது

எனக்கான நொடிகளை நான் ஏன் இப்படி விரயம் செய்துவிட்டேன் என்று எண்ணத் தோன்றுகின்றது!!!

அன்புக்குரியவர்களின் கருணை கூட

சில நேரங்களில் 

இந்த நொடிப்பொழுதில் மாறி விடுகிறது...

"ஒவ்வொரு நொடியும் வாழ்வின் மாற்றத்திற்கான நொடி..."

இனியபாரதி. 

கண்டநாள் முதலாய்...

அவனைக் கண்ட நாள் முதலாய்

நானும் பித்துப்பிடித்துத் தான் அலைகிறேன்..

அன்புடன்

கிறுக்கி.

இனியபாரதி. 

ஓய்வு கொள்...

சிறிது நேரப் பார்வை...

சிறிது நேர இடைவெளி...

மறுபடியும் ஓர் அழகுச் சிரிப்பு...

தொடர்ந்த அவன் வேலைகள்...

வேலைகளின் நடுவில்

அவளின் குட்டி முகம்...

கன்னங்கள் தழுவ,

வேலையும் தொடர...

மழையின் சாரல்...

வீட்டு முற்றத்தோடு

அவள் பாதங்களையும் நனைக்க...

குளிர் காய அலையும் அந்தப் பாதங்களுக்குக் கிடைத்தது

அவன் உள்ளங்கைகள்...

இணையத் துடிக்கும் இதயங்கள் அருகருகில்!!!

மனதிற்கு இதமாய்

ஓய்வு கொள்கிறாள் அவன் தோள்களில்!!!

இனியபாரதி. 

தேன் இனிமை...

ஒன்றும் அறியாமல் இருக்கும் சுகத்தை விட...

எல்லாவற்றையும் அறிந்த பின் இருக்கும் சின்ன

சண்டை கூட,

தேன் இனிமை தான்!!!

இனியபாரதி. 

இப்படியும் நகருமோ?

கனவில் பல தொல்லைகள்...

நிஜத்தில் பல மோதல்கள்..

கண்டால் ஒரு பேச்சு...

காணாவிட்டால் ஒரு பேச்சு...

இப்படியும் நகருமோ ஒரு காதல் கதை...

இனியபாரதி. 

ஆரம்பம்...

எங்கள் தொடக்கமும் முடிவும் ஆன இறைவா...

இந்த ஆண்டு

எங்கள் உடல், மனம் முழுவதையும்

உமது அடிகளிலே சமர்பிக்கிறோம்...

நீரே துணையாளராய் இருந்து வழிநடத்தும்...

எங்கள் குடும்பங்கள்

உற்றார், உறவினர்கள்

நண்பர்கள்

தெரிந்தவர்கள்

தெரியாதவர்கள்

அனைவருக்கும் 

என்றும் பயனுள்ள விதத்தில் வாழ

உமது ஆசியைப் பொழிந்து வழிநடத்தும்...

மற்றவர்களையும் எங்களைப் போல் எண்ணி

அவர்களின்

சுகங்களிலும் 

துக்கங்களிலும்

உடனிருந்து

ஆறுதல் தர

உமது அருள் வரங்களை 

எங்களுக்கு நிறைவாய்த் தந்து

ஒவ்வொரு நாளும் வழிநடத்தும்.

இனிய புத்தாண்டு நல் வாழ்த்துகள். 

இனியபாரதி.