என்னவன் அழகு...

தூர இருந்து இரசிப்பது ஒரு அழகு என்றால்,

மிக அருகிருந்து இரசிப்பது ஒரு அழகு தான்...

தொட்டு இரசிப்பது ஒரு அழகு என்றால்,

தொடாமல் இரசிப்பது ஒரு அழகு தான்...

வார்த்தைகளால் வருணிப்பது ஒரு அழகு என்றால்,

மெளனமாய் பார்த்துக் கொண்டே இருக்க வைப்பதும் ஒரு அழகு தான்...

இனியபாரதி. 

குட்டி குட்டி இதயங்கள்...

குட்டி குட்டி இதயங்கள் ஆயிரம் இருந்தாலும் அழகு...

குட்டி இதயம் சிரியவற்றையே யோசிக்கும்...

அதன் சிரிப்பு உண்மை...

அதன் அழுகை அர்த்தமுள்ளது...

அதன் அன்பு அளவிட முடியாதது...

இறைவா... குட்டி இதயம் தாரும்!!!

இனியபாரதி. 

வாழ்வின் இனிமையே...

 அவளின் அழகு கன்னக் குழிகளும்

கண் இமைகளும் மட்டும் தான் அழகென்று நினைத்தேன்... 

அவளின் சின்னஞ்சிறு செயல்கள் கூட...

என்னை மெய்சிலிர்க்கச் செய்யும் தருணங்கள்...

என் வாழ்வின் இனிமையை இன்னும் கூட்டுகின்றன... 

இனியபாரதி. 

காதல் வரம்.....

வரம் ஒன்று கேட்கிறேன் உன்னிடம்....

நீ இல்லை என்னாது கொடுப்பாய் என்பது எனக்குத் தெரியும்...

நீ வரும் போது இருக்கும் உன் அழகிய சிரிப்பில்

பாதியை எனக்குக் கொடுத்துவிடு...

அந்தச் சிரிப்பை நீ மறுமுறை வரும்வரைக் கவனமாய் கையாள்வேன்...

இனியபாரதி. 

ஜே ஜே சில குறிப்புகள்....

ஜே ஜே சில குறிப்புகள்....

ஜே ஜே படத்தைப் பார்த்த பின் 

படிக்க வேண்டும் என்று நினைத்த புத்தகம்...

நீண்ட வருடங்கள் இடைவெளிக்குப் பின்

மறுபடியும் மனதில் முளைத்தது...

நமக்குத்தான் ஆறுதல் தர..

ஆற்றுப்படுத்த அமேசான் உள்ளதே...

வாங்கிவிட்டோம்...

அறையே அழகாய் உள்ளது போன்ற ஒரு உணர்வு...

நேரம் கொடுத்து படிக்கலாமே!!!

இனியபாரதி. 

பரிதாபம்...

காலை எழுந்தவுடன்

உற்சாகம் தர

நானாய் உன்னை வந்து சேர்கிறேன்...

எப்படியும் என்னைத் தூங்க வைக்க

நீ சந்திரனை அனுப்பி விடுகிறாய்!!!

இது என்ன நியாயம்?

இனியபாரதி. 

ஊமைப் பூ...

நான் நடந்து செல்லும் அவ்வழியில் தான் அவளும் நிற்கிறாள்....

அழகுப்பதுமை பால் அபிக்ஷேகம் செய்யப்பட்டது போல் நிறம்...

குட்டி இடை...

நளின நடை...

பார்த்தாலே பரவசம் தான்...

ஆனால் ஊமைப் பெண்ணாய் இருப்பது மட்டும் தான் அவள் குறை போல!!!

இனியபாரதி. 

கண்கட்டி வித்தை...

கலகம் ஏதும் செய்ததில்லை

அவள் காலடி பிடித்து முத்தமிட...

தானாக வந்தவள்...

தகவல் சொல்லாமல் சென்று விட்டாள்...

Oh Baby பரிதாபங்கள்...

இனியபாரதி. 

இப்படி எல்லாமோ???

இப்படி எல்லாம் நடக்குமா என்று

நான் எதிர்பார்த்ததே இல்லை... 

அனுபவம்...

அருமையான ஆசான்...

வெளியே செல்... கடல் கடக்கப் பழகு...

இது மட்டும் அல்ல...

இன்னும் நிறைய கற்றுக் கொள்வாய்...

இனியபாரதி. 

நேரம் அறியாமல்...

இரவா பகலா என்று கூட யோசிக்காமல்

நீ நினைக்கும் போதெல்லாம்

அவளை அழைக்கலாம் என்று

உன்னால் ஆணித்தரமாக

சொல்ல முடிந்தால்

அவள் தான் உனக்காகக் காத்திருப்பவள்...

இனியபாரதி. 

அவளைக் குறிக்கும்...

அவளைக் குறிக்கும் வேறு சில பெயர்கள் மிகவும் அழகானவை...

அதில்...

அழகியும் அடங்கி இருக்கிறது...

அவளது புனைப் பெயர்களைக் கேட்கவே ஒரு நாள் வேண்டும்...

அதற்கு அவனும் அருகில் இருக்க வேண்டும்...

இனியபாரதி. 

போதும் என்ற மனம்...

போதும் என்ற மனம் எப்போது வரும்?

என்னிடம் எல்லாம் இருக்கிறது என்று நான் நினைக்கும் போது...

எனக்கு எல்லாம் இருப்பது போன்ற ஒரு உணர்வு...

ஆனாலும்...

போதும் என்று நிறுத்திக் கொள்ள முடியவில்லை!

"உன் அன்பு கிடைக்காததால்...."

இனியபாரதி. 

அன்புடன்...

அன்பு எப்போதும் இருக்கும்...

அதைக் காட்டும் விதம் தான் மாறும்...

அதற்காக அன்பில்லை என்றால்

எல்லாம் முடிந்துவிடுமா என்ன?

இனியபாரதி. 

அவளுடன்..

அவள் கொடுத்த பரிசுப்பொருட்கள்

அவளை அடிக்கடி நினைவூட்டினாலும்...

அவளுடன் இருந்த பொழுதுகளை நினைவூட்ட

பரிசுப்பொருட்கள் தேவை இல்லை...

இனியபாரதி.