காட்சியும் கருணையும்....

என்றோ ஒரு நாள்

அவள் கண்ட காட்சி

அவள் மனதில்

பல எண்ணங்கள் தோன்றச் செய்து

இன்று

அந்த எண்ணங்கள் எல்லாம்

கருணையாய் மாறி உள்ளன....

இனியபாரதி. 

முப்பது முதல் முப்பது வரை....

சிறுக சிறுக

சேர்த்து வைத்த

பொக்கிஷங்கள் எல்லாம்

தினமும்

நினைவில் வந்து போக

காரணமாய் இருந்த காலம்...

இனியபாரதி. 

எல்லாம் புரியும்...

எனக்கு 

எல்லாம் தெரியும்

எல்லாம் புரியும்

என்றிருந்த அவளுக்கு

"அவன் முகம்"

எல்லாவற்றையும்

மறக்கச் செய்தது ...

இனியபாரதி. 

ஒரு புள்ளியில்....

ஒரு புள்ளியில் ஆரம்பித்த அக்கோலம்

பல புள்ளிகளை இணைத்து

அழகிய கோலமாக மாறியது

சற்று வியப்பு தான்....

ஒற்றைக் காரணத்திற்காய்

ஆரம்பித்த உறவு

பல காரணங்களுக்காய்

பல உறவுகளை இணைக்கும் பாலமாக

மாறியதில் வியப்பில்லை!!!

"என்றும் உறவுகள் புடைசூழ!!!"

வாழ்க வளமுடன்....

இனியபாரதி. 

கண்ணும் நானும்...

கண்கள் நோக்கிய திசையை மட்டுமே

என் கண்களும் நோக்கிக் கொண்டிருந்தன...

காரணம் அறியாமல்

காத்திருத்தலில் 

சங்கடம் தவிர்த்து!!!

சோர்வும் கூட....

காத்திருந்தேன்....

காத்திருந்தேன்....

விடியும் வரை அல்ல...

"என் இமைகள் மூடும் வரை...."

இனியபாரதி. 

கேள்வி கேட்பதில்....

கேள்விகள் கேட்கப்படுவதினால் மட்டும்

பதில்கள் கிடைத்து விடுவதில்லை....

கேள்விகள் கேட்கப்படாத இடத்திலும்

"மெளனமான புன்முறுவல்"

பதில்களைப் பெற்றுக் கொடுக்கும்....

இனியபாரதி.