தேனும் மருந்தும்....

அவள் கொடுக்கும்

தித்திப்பான தேனும் பிடிக்கும்...

தெவிட்டும் மருந்தும் பிடிக்கும்....

காரணம்...

' அவள் மட்டுமே!!! '

இனியபாரதி. 

சட்டை...

அவன் அரைக்கைச் சட்டை

அழகில்லை என்றாலும்...

அவன் முகம் கோணாமல் இருக்க

அவள் கொடுக்கும் 

பரிசு தான்....

' அணைப்பு '

இனியபாரதி. 

இதில் கூட...

இதில் கூட சமரசம் செய்து கொள்ளவில்லையே

என்று அவனும்...

இதில் கூட சமரசம் செய்து கொள்ளாமல் இருக்கிறானே

என்று அவளும்....

இழக்கும் நாட்கள் தான் அதிகம்.

இனியபாரதி. 

ஒரே ஒரு புன்னகை மட்டுமே....

அவள் என்றோ ஒருநாள்

புன்னகைத்த முகம் மட்டும்

என் நினைவில் நின்று நீங்காமல்...

என் அருகிலும்

தொலையிலும் இல்லாமல்

என் எண்ணத்தில் மட்டும்

வந்து செல்லும் அவள்...

என் புன்னகையின் காரணம் ' அவள் '

இனியபாரதி. 

அன்புடன்....

இனிய என் எதிர்காலமே....

உன்னை வேண்டுவதும்

நான் விரும்புவதும் இது தான்...

என் கஷ்டங்கள்

என் துன்பங்கள்

என் வருத்தங்கள் 

எல்லாம்

என்னோடு முடியட்டும்...

என் அன்புக்குரிய யாரையும்

என் நிலை பாதிக்கக் கூடாது.

இனியபாரதி. 

புதுமை....

அவள் காட்டிய

அன்பும் அரவணப்பும்

என்றும் நீங்காமல் 

இருக்கும் என்று

ஏமாந்த எனக்கு

இன்று

பெண்மையும்

அவள் அன்பும்

புதுமையாகத் தான் உள்ளது...

இனியபாரதி. 

கொடுக்கும் போது....

கொடுக்கும் போது

அவளிடம் இருந்த

அன்பும் ஆசையும்

பெற்றுக் கொண்ட பின்பு

இல்லையே என்பதால் தான்

அவனும் விலகிச் சென்றான் போல....

இனியபாரதி. 

கனவுகள் மெய்ப்பட....

கனவுகள் மெய்ப்பட

கனவுகள் மட்டும் முக்கியம் இல்லை....

அதை நிறைவேற்றத் துடிக்கும்

தீராத ஆவலும் தாகமும் 

வேண்டும்!!!

இனியபாரதி. 

கனவுகளுடன்....

கனவுகள் அதீதமாக இருப்பதில் தவறில்லை...

அந்தக் கனவை அடைய

நான் என்ன முயற்சி செய்கிறேன்

என்பதில் தான்

என் முன்னேற்றம்.

இனியபாரதி. 

தேடி வரும்...

உன்னைத் தேடி வரும் உறவை

எப்போதும் அலட்சியம் செய்யாதே...

அவர்கள்

அன்பு செய்ய ஆள் இல்லாமல் போனவர்கள் அல்ல...

உன்னை அன்பு செய்ய 

இந்த உலகத்திற்கு அனுப்பப்பட்டவர்கள்.

இனியபாரதி. 

இரண்டு...

"இரண்டு"

மிகப் பெரிய தாக்கத்தை

நம் வாழ்வில் ஏற்படுத்தும் எண் என்றே சொல்லலாம்...

எல்லாவற்றிலும்

ஏன்

அன்பில் கூட

நெருக்கமும் விரிசலும்

சகஜம் தான்....

இனியபாரதி. 

என்றும் அன்புடன்....

அவளின் உடனிருப்பை விட

அவள் மொழியும்

ஆசை வார்த்தைகள்

என்னையும் 

என் நாட்களையும்

இனிமையாக்குகின்றன...

இனியபாரதி. 

மிம்மி...

அழகிய பாவை....

கனவு ஒரு பக்கம், காலம் ஒரு பக்கம் ...

வாழ்வை இழுத்துச் செல்ல...

தேர்வு செய்த வழி

தவறென்று நினைக்கவில்லை....

தன் முடிவில் நிலையாய் இருந்து

தான் ஈன்றெடுத்த குழந்தைக்காய்

தன் வாழ்வை அர்ப்பணம் செய்த

அழகிய அன்பு அம்மா.... 

"மிம்மி'

இனியபாரதி. 

ஒற்றிலை...

இலையுதிர் காலத்தில் உதிராத

ஒற்றிலையின் இருப்பு

அதற்குப் பெருமை...

இனியபாரதி. 

கடமை....

கடமையின் விளிம்பில்

கடவுளும் அடுத்த நிலை தான்....

இனியபாரதி. 

ஊமை அன்பு...

கண்டும் காணாதது போன்று...

பார்வையிலே பரிமாறிக் கொண்டு...

எதிலும் ஈடுபாடு இல்லாதது போல்...

தன் பணியை மட்டும் செய்து...

அக்கறை இல்லாமல்...

அழகுபடுத்தாமல்....

அடிக்கடி பார்க்க வேண்டி...

அஞ்சா நெஞ்சத்துடன்...

அறநெறி முறையில்...

அதீத ஆர்வம் கொண்டு...

ஏக்கம் மட்டும் மிஞ்சிப் போக...

ஏழு நாட்களும் ஏழு யுகங்களாய்...

திரும்பும் திசையும் அறியா மனது...

திக்குமுக்காடிப் போன பின்பு...

காரணமும் கருப்பொருளுமாகி...

கடிந்து கொள்ள மனம் இல்லை....

கருத்து சொல்ல வார்த்தை இல்லை...

திங்கள் அன்று திணறிய தருணம்...

தீங்கு செய்ய விரையா மனம்...

எப்பொருளும் ஆசை இல்லை...

என்றும் அருகில் மட்டும்...

ஒன்றாகி ஓய்வு கொள்ள முடியா

"ஊமை அன்பு"

இனியபாரதி. 

இதுவும் கடந்து போகும்...

ஆழ்ந்த உறக்கத்தில்

அலைபாயா அவள் மனம்

துக்கம்

துன்பம்

சோதனை

தனிமை

எதையும் நினைப்பதில்லை!!!

விடியும் ஒவ்வொரு பொழுதும்

அவளுக்குச் சொல்வது

"இதுவும் கடந்து போகும்"

இனியபாரதி. 

கண்கட்டி வித்தை....

கண்கட்டி வித்தையாய்

ஒவ்வொரு நாளும்

நகரும் நரகம்

யாரும் அனுபவிக்கக் கூடாது....

என் தோழனோ!!!

என் எதிரியோ!!!

வருத்தத்தின் அளவு ஒன்று தானே....

இனியபாரதி. 

கண்கள் மட்டுமே...

அவள் இருவிழிகளும்

சொல்லும் அர்த்தம்,

வேறெந்த அகராதியிலும்

கண்டுகொள்ள முடியாதவை....

இனியபாரதி.