தவறில்லையே!!!

உற்றவள் இல்லாக் குறையை

மற்றவளைக் கொண்டு 

சமன் செய்யத்

துடிக்கும் மனம் தான்

அவனது என்றால்....

அவள் அவனை விட்டுச் சென்றதில் ஒன்றும்

தவறில்லையே!!!

இனியபாரதி.

என் தேவதை!!!

கேட்கும் வரம் கொடுக்கும்

தெய்வம் அல்ல...

நான் நினைப்பதை எல்லாம்

நிறைவேற்றும்

சாமி அல்ல...

சாகா வரம் கொடுக்கும்

ஈசனும் அல்ல...

நான் தேடிக் கொண்டிருக்கும்

என் தேவதை!!!

இனியபாரதி. 

யாருக்கு கவலை....

தேடாமல் விட்டுவிட்டால்

கவலை

தொலைத்தவருக்கு மட்டுமே....

பொருளை

விற்றவருக்கு அல்ல...

இனியபாரதி.

முடித்துக் கொண்டதால்....

தென்றலாய் வரும்

அவள் மணம் மட்டும்

என்றும் என் நினைவலைகளில்...

காது கொடுத்து

கேட்க முடியவில்லை

அவள் வார்த்தைகளை

என்று முடித்துக் கொண்டதால்....

இனியபாரதி. 

கலங்கும் போல...

தெளிவாய் இருக்கும் குட்டையும்

ஒரு நாள் கலங்கும் போல...

அது

அதன் இயல்போ

இல்லை

அதையும் மாற்றி விட்டார்களா?

இனியபாரதி. 

கனவும் காதலும்...

கனவும் காதலும்

ஒன்றாய் வருவதில்லை...

காதல் வந்து சென்ற

பின்பு தான்

கனவு வருகிறது....

அவளை மறப்பதற்கா?

இல்லை...

நினைத்துக் கொண்டே இருப்பதற்கா?

இனியபாரதி. 

காணாமற்போன..

காணாமற்போன

இரண்டும்

அந்த இடத்திலேயே தான்

இருக்கின்றன....

அது

தொலைத்தவர் கண்களுக்கு மட்டும் தான் தெரியும்....

இனியபாரதி. 

காரணம் அறியாமல்.....

காரணம் அறியாமல்

காத்திருந்த நேரங்களும்

சேர்த்து வைத்த ஆசைகளும்

இன்று

காரணம் தெரிந்து 

கலையத் தொடங்கும் போது

வலியும் அறியும்

வலியின் வேதனையை...

இனியபாரதி. 

எப்போதும்....

 அவள் கண்களும் இதழ்களும்

என்னைப் பார்க்காமலே

பேசிக் கொண்டிருக்கும்

நான் அருகில்லா நேரங்களில்.... 

இனியபாரதி.